KTP GEN. CONF 2020 PANDAL SAK TAN A NI TA

Nakum(2020) KTP General Conference Serchhip a neih tur atana Pandal sak hna chu vawiin(26.11.2019) khan tan a ni a, vawiin pandal sak tannaah hian Conference thlengtu Bial 3 te an hnatlang a, hnatlang hi mi 170 vel an ni. Pandal sak bultanna hi tukin dar 9:30 khan Leisekawt Field ah neih niin Pastor H.Lalawmpuia, Serchhip Bialtu in tawngtaina hin hmangin pandal sak hna hi tan a ni.

‌KTP General Conferemce Pandal tur hi Synod Pandal Structure thar niin KL Fabrication, Mission Veng te siam a ni a. Pandal hi a vang ft 165 leh a dung ft 252.7 a lian a ni a, lamtual 108x30ft ruahman a ni a, stage 72x30ft leh Green Room 72x15ft ruahman a ni bawk. He pandal stucture tharah hian mi 10000 vel leng tura ngaih a ni. He pandal structure thar hi siam zawh hlim a ni a, Serchhip a KTP General conference a hman hi a hman hmasakna ber tur a ni.
Pandal sak hna hi naktuj(27.11.2019) atangin Bial 3 a Kohhran hrang hrang te a in chhawkin an hnatlang ang, he Pandal Structure remkhawm hna hi kar 2 chhung vela zawh hman tum a ni.

Issued by Information, Publicity & Souvenir Sub-Comt, KTP Gen conf 2020 Serchhip.

Comments