KTP Gen Conf Organising OB te leh Serchhipa Kohhran hrang hrang hruaituten inkawmhona nei


Vawiin(21.11.2019) chawhnu dar 2:00 khan kum 2020 KTP General Conference Serchhipa neih turah Organising Office Bearer te leh Serchhip a Kohhran hrang hrang hruaituten Serchhip Kawnpui Kohhran Comt Room ah inkawmhona an nei.

Inkawmhona hi Organising Chairman Upa Vanlalchhunga chuan kaihruaiin Serchhipa Kohhran hrang hrang hruaituten nena inkawmho an buatsaih chhan te sawiin, kum 2020 a KTP General Conference kan dawn tur chu Presbyterian Kohhran Thalai Inkhawmpui ni mahse Serchhipa Kohhran hrang hrang te kan thawhho a tul a ni tih sawiin, Serchhip a Kohhran hrang hrang te chu inti neitu taka he khawmpui hi lo dawngsawng theuh turin a ngen.

Upa Vanlalchhunga chuan KTP Gen. Conf thleng tura Organising lam inbuatsaihna te report a pe a, tun tum KTP General conference lo awm tur chu sawrkar sum tibuai miah lova thlen an tum tih sawiin hemi avang hian a tir a Organising lamin Budget head a lo siam tawh Rs nuai 70 pawh chu Rs nuai 60 ah tlak thlak anih thu a sawi bawk. A tirah nuai 70 budget siam anih dan sawiin Rs nuai 50 chu Kohhran thawhlawm leh CKTP atanga tanpuina atanga hmuh beisei a ni a, a bak Rs nuai 20 chu sawrkarah te inhlawhna dil a neih an rilruk thu a sawi a, mahse sawrkar lamah remlohna eng engemaw a awm tak zel avangin sawrkar hotute biak a kawng dang dap leh ai chuan Sawrkar tel lova khawmpui thlen mai chu Organising Committee ten an inhuam avang hian hemi tur hian ruahmanna an siam ta anih thu a sawi bawk. Kohhran hrang hrang atanga lokal te pawhin thusawina an nei a, KTP General conference dawng tur hian anni lam pawh an inhawng tih sawiin, Conference kan dawn tur denchhena khawtlang hmasawnna hrang hrangah pawh thawhho tha an tih thu an sawi bawk. Serchhip KTP General Conference a sawrkar puihna tello a Organising ten budget an siam chu tha an tih thu an sawi bawk.

Vawiina Organising OB te leh Kohhran hrang hrang hruaitute inkawmkhawmnaah hian Organising OB te bakah Serchhip a Kohhran hrang hrang aiawh te an kal tha hle.

Issued by Information,Publicity&Souvenir Sub-comt, KTP General Conference 2020, Serchhip.

Comments