Nov 26 atangin pandal sa ṭan dawn

‌Tukin (16.11.2019) khan KTP Gen Conference, 2020 Pandal Committee te Leisekawt Field-ah meeting neiin Conference pandal sak dan tur an sawiho a. Pandal sak hi November 26 aṭangin sak ṭan ni se, an ti.

‌Hnatlang neih dan tur sawiho a ni a, Pastor Bial pathuma Kohhran tin te inchhawka hnatlang tura ruahman a ni. A sak ṭan ni November 26-ah hian Pastor Bial tin aṭangin mi 100 ṭheuh hnatlang tura beisei ni se tih a ni bawk.

Hemi bak chu Bial chhunga Kohhrante a inchhawka hnatlan ni se, an ti. Tukina Pandal Committee te hian pandal dinna hmun tur te an teh fel nghal a ni.