New Serchhip Bial KTP te pandal sain an hnatlang

Vawiin (16.12.2019) Thawhtanni khan New Serchhip Pastor Bial KTP te Pandal sain an hnatlang a, Pandal Comt lam ina an thawh tur china an ruat chu chawhnu dar 2:45 khan an thawk zo thei a ni. 

Pandal sak hna hi tlem la zawh loh a awm a, heng thawhtur la awm te hi Pandal Comt lam chuan hmun 3 ah thenin, a thlengtu Bial KTP hrang hrang te chu Krismas hma ngeia an thawh tur chin te thawk turin a ngen a. New Serchhip Bial KTP chuan he ngenna hi vawiin khan tihlawhtlingin an thawk chhuak a, hnatlang hi mi 42 an awm a ni. New Serchhip Bial ah hian khawhran Vanchengte an awm a, anni pawh vawiinah hian member 14 lai an rawn thawkchhuak a ni.

New Serchhip Bial KTP te hian Organising comt lam thuchhuak an ngai pawimawh thei hle a, Organising comt te pawh an chungah an lawm hle a ni. Organising Comt in pandal sak hnatlang a koh avangin New Serchhip Branch KTP te chuan an kumtawp comt neih tum pawh an lo sawn phah tawh a, New Serchhip Bial KTP te chuan an Bial comt neih hun pawh pandal sak hnatlang a tul avangin an lo thulh tawh bawk.

Comments