RD Minister-in Serchhipa 2020 KṬP General Conference neihna tur Leisekawt Field laih zau a tlawh

Nimin, 7th Jan 2020 (Tue) khan Rural Development Minister, Pu Lalruatkima chuan Serchhipa 58th KṬP General Conference neihna tur, Leisekawt Field laih zau chu a tlawh.

I&PR leh RD Minister Pu Lalruatkima hian thla leh KṬP General Conference Vawi 58-na neihna hmun tur Leisekawt Field laih zauh hna thawh chu enin, tuna laih bâk chu Rural Development Department ram laih chhunzawm tawh rih loh ni se, kawng ko min tur venna'n Retaining Wall siam ni se a tih bâkah BDO Office ram chu a remchan dan anga hung (fencing) turin a ti bawk.

Minister hian Serchhip Block Development Office a thawktute Quarters thar sak lehna hmun tur, Project & Electric Venga DRDA  Office bula ruahmanna awmsa te chu a hmunah enpuiin, Leisekawt Field laihna leivung paihna te pawh a enpui nghal bawk a ni.

Pu Lalruatkima hi 2020 KTP Organising Committee hruaitute leh khawtlang hruaitute'n an lo dawngsawng a ni.

Comments