Bialtu MLA hovin KTP Gen Conf Organising comt thutkhawm a ni

Vawiin(10.2.2020) chawhma dar 11:00 khan KTP General Conference 2020 Oragnising Committee te chu Serchhip Bethel Kohhran Comt Room ah an thukhawm a, he hunah hian Pu Lalduhoma, Bialtu MLA Patron member leh Pu Lalzirmawia Chhangte DC Serchhip Adviser te pawh an tel.

Vawiina thukhawm chuan KTP General Conference dawng tur5a inbuatsaihna kal mekah Sub Comt te atangin report hrang hrang ngaihthlak a ni a, Organising Treasurer Upa C Zonunsanga'n sum report a pe bawk a, Kohhran tena thawhlawm an thawhkhawm tawh hi nuai 50.5 a ni a, hei bakah hian Joint KTP te sum pek leh Koh Meichhe khawmpuia balance awmsa atangin Rs 15872 lut a awm bawk a, CKTP atangin tanpuina nuai 10 a luh bakah midanga tanga tanpuina lut tawh zat belhkhawm hi rs 1,66,000 a ni bawk a. Sum hmuh tawh zawng zawng hi Rs 62,31,872 a ni a. Tuna hmanral tawh zawng zawng hi Rs 32,32,577 a ni. Sub-commitee hrang hrang ten an Budget an lachhuak mek zel bawk a, Sub-comt tena an Budget an lakchhuah vek hnuah sum balance awm tur chu Rs 69235 anih thu Treasurer chuan a report bawk.

Oragnising Chairman Upa Vanlalchhunga chuan Sub-Committee hrang hrang te chu sum renchem lehzual turin a ngen a, Budget indaih lo te pawh an indaih tur chena insiamrem thiam turin a fuih bawk. KTP General Conference hlim leh tluang taka kan thlen theih nan Sub-Comt hrang hrang te kan tanrual a, theihtawp kan chhuah a tul tiin a sawi bawk.

Vawiina Committee hian Pandal hlan hun atan Feb 24, 2020 (Thawhtan) zan dar 7:00 nise a ni a, Pandal hlantu atan Rev Lianhmingthanga Sailo, Sr Ex Secy Mizoram Synod sawm nise, Souvenir release turin Upa Lalduhoma, Patron member chu ruat a ni bawk. Pandal hlan zanah Serchhip khawchhunga Kohhran hrang hrang te sawmin item te neihtir nise ti a rel a ni bawk. Upa Lalduhoma Patron member chuan Pandal hlan zana Refreshment chu a tum theih tur chu a sawi.

Comments