KTP Gen conf chhungin Serchhipah motor chuan man tlawm dawn

Nimin 7.2.2020 Zirtawpni khan ACBOA,CKTP(Transportation Cell),STBOA,STOA,AROA leh Police te leh KTP Gen Conf Traffic & Security Sub-Committee te chu Serchhip Kawnpui Kohhran Comt Room ah an thukhawm a, he ta thukhawm chuan KTP Gen Conf mitinin hlim taka an hman theih nan leh mipui te harsatna tawh thin te hriain motor chuan man tur an bituk a. Conference chhungin Palai inkhawm turte khawi atang pawhin kal se, bus chuan man atan Rs.10 ni se tiin a rel.

Taxi Owners te pawhin an rate pangai aia Rs.10 tih tlem an tum bawk. Autorickshaw lam pawhin a rate la bituk chiah lo mahse lo ngaihtuah that ve an tum thu an sawi bawk.

Traffic lam hotute hian Serchhip khawchhunga motor service dan tur a hmun hrang hranga kal kualin an enfiah bawk.

Comments

Post a comment