KTP Gen Conf Pandal hlanna inkhawm neih a ni

Zanin(24.2.2020) Thawhtan zan dar 7:00 khan KTP General Conference Pandal hlanna inkhawm neih a ni a, Upa Vanlalchhunga Organising Chairman in a kaihruai a, Pastor C. Lalrintluanga, Moderator Chhimchhak Presbytery in Pandal hlanna a nei. Upa Lalduhoma, Patron member, Bialtu MLA ni bawkin Conference Souvenir 'Leisekawt' tlangzarhna a nei a, Upa Dr Lalzirmawia Chhangte, Adviser, Deputy Commissioner in thu sawina hun a nei bawk. Heng atang te hian zai leh thusawi ngaihthlak a ni -

1) Chhiahtlang Pastor Bial Zaipawl
2) Thenzawl Pastor Bial Zaipawl
3) Keitum Pastor Bial Zaipawl
4) Chhiahtlang Kawnveng Pastor Bial Zaipawl
5) BCM Serchhip Pastor Bial Zaipawl
6) SAY Serchhip Corps Zaipawl
7) Solo: Nl Lalnunsiami, BCM New Serchhip Bial
8) Greetings: Pu Lalzahawma, Serchhip Catholic
9) Solo: Nl Lancy Remlalhruiai

Bial Zaipawl zai tura sawm zingah Bungtlang Pastor Bial leh Thenzawl Field Veng Pastor Bial te rokhawlhna an neih avangin an rawn zai theilo a. Kohhran pawl dang item nei tura sawm zinga UPC(NE) leh UPC(Mizoram) ten an chanvo an tihlawhtling theilo bawk.

Zanin Pandal hlan zana inkhawm te hi Usher te chhiar danin mi 1540 vel an ni.

Bial Zaipawl zai tura sawmna ngai pawimawh a chanvo tihlawhtlingtute leh Kohhran pawl dang item rawn neitute bakah Pandal hlanna hin rawn hmangtu mipui zawng zawng te chungah Organising Committee chuan lawmthu a sawi.

Comments