Nizan atang khan KTP General Conference vawi 58-na chu Serchhip Leisekawt Field-ah neih mek niin, Pathianni zanah a tiak ang. Nimin khan KTP General Conference Vawi 58=na hmang tur hian hmun hrang hranga KTP member-ten Serchhip pankhawm mek zelin,kumina KTP
General Conference rawn chhim tur hian Taiwan atangin mi 3, Wales
atangin mi 2 leh Myanmar atangin 1 an rawn kal bawk a ni.
Nizan khan palai lawm inkhawm neih a ni a, he inkhawmah hian Kumpuan
hawn leh kumpuan film hlanna chu Rev. K.Lalrinmawia, Executive
Secretary i/c CKTP-in neiin, Rev. Vanlalrova Khiangte, Secretary (Sr.)
Mizoram Synod-in Synod Choir Music VideoPathian hnena hlanna hun a
hmang a. Hei bakah hian Kristian |halai Golden Jubilee Souvenir
Magazine hlanna Kriatian Thalai Editor hmasa ber, Rev. Lal Rinmmawia'n
a nei a, Rev. R.Lalchangliana, Moderator, Mizoram Synod in Pathian
thuchah a sawi.
KTP General Conference vawi 58-naah hian thupuiah ‘Felna Hriamhrei’
(Rom 6:13) hman a ni a, Speaker-ah Rev. R.Lalrosiama, Field. Secretary
chu hman a ni a, vawiin chawhma khan Rawngbawlna Report inkhawm neih
niin, Upa Lalsiammawia Pachuau, Comm. Member, CKTP-in kaihruaiin,
General Secretary Report, Finance report leh Bial report khaikhawmna
ngaihthlak a ni a.
Chawhnu lamah T. Upa David Lalhmachhuana, Comm. Member, CKTP
kaihhruaiin variety programme hman zui a ni a, hetah hian Upa K.
Lalnuntluanga, Comm. Member, CKTP hnen atangin thuchah tawi ngaihthlak
a ni a. Zanina Pathian biak inkhawm hi Dr. David C. Vanlalfakawma,
Comm. Member, CKTccP-in a kaihruai ang a , Rev. K. Lalrinmawia,
Executive Secretary, i/C KTP-hnen atangin Pathian thuchah ngaihthlak
a ni ang a, inkhawm banah fellowship neih a ni ang a, naktukah
S.Kawnpui Kohhran Biak In-ah rorel inkhawm neih a ni ang.
CKTP hnuaiah hian Pastor KTP Bial 192 leh rampawnaah -15 Total- 206
awm in Branch KTP ramchhungah = 831 leh rampawnah avaiin -879 an awm
mek a, KTP Members Mipa-154441,Hmeichhia-151283 Avaiin-147665 an awm
mek a,Member tamna ber Bial hi Ramhlun North Bial niin Member 2370
an awm a,Member tlemmna ber Bial hi Buarpui Bial niin Member 41 an
awm a, Member tamna ber Branch hi Mission Veng Branch niin Member
1536 an awm a,member tlemna ber Branch chu Peren Branch (Kohima
Bial) niin member 3 an awm mek ani
KTP General Conference vawi 58-naah hian , vawiin chawhnu dar 2:30pm
thleng khan palai kal zat chhinchhiah theih chinah mi 16000(@Dar
2:30pm) chuang ni tawhin vawiin leh naktuk bakah tun Pathianni hmang
hian Palai engemawzat ten Inkhawm hi lehlangin an chhim dawn bawk a
ni.
Comments
Post a Comment