Thlenna tur ruatsa Counter-a thleng vek tura ngenna


To

The Secretary
Kristian Ṭhalai Pawl
Bial leh Branch zawng zawngte

Subject: Ngenna

Rawngbawlpui duh tak,

Isua Krista hmingin chibai ka buk a che.

KṬP General Conference chungchangah ngenna Bial leh Branch tin hnenah social media kaltlangin kan han thawn che a, khawngaiha min lo pawmsaka min lo puanzarsak tur pawhin kan inngen thar leh e.

58th KṬP General Conference, 2020 chu kan lo hnaih ta hle mai a, palai thlen dan turah pawh harsatna a tam tial tial ta. Bial emaw Branch emaw, Bial Zaipawl zai turte emaw, mahni thlenna tur counter-a thlen hreh tlat leh, hmun danga thlen rawn dil te, dil lem loa thlen sawn tum tlat te kan tam sawt hle a, Reception counter in-charge-te tana harsatna a awm tam ṭan hle.

Kan thlen lohna tura kan thlen hian khawi emaw counter tan phurrit kan siam belh vak ṭhin a; chuvang chuan, Conference chhung hi hun rei tak pawh a ni lem loa nuamsa taka kan lo thleng thei lo che u a nih pawhin thlenna tura kan ruahmansa min ngaihpawimawhsaka thlenna dang rek lui ṭalh lo hram turin kan inngen nawn leh a ni e.

Tin, traffic lamah harsatna tam tak kan sutkian theih nan tiin chhim leh hmar lut pawh a theih chin chinah awmze neia thliar a nih avangin kan counter ruatah ṭheuh kan kal hian nasa takin min pui a ni tih hriain kan thlenna tura ruatah ṭheuh phur tak leh lungawi takin i thleng hram hram ang u.

General Conference in rawn kal ṭheuh theihna turin duhsakna kan hlan che u a, rawn kal ngei tur pawhin kan sawm che u a ni.

In rawngbawlna Lalpa'n malsawm zel che u rawh se.

 In rawngbawlpui,

 RAMDINTHARA KAWLNI
 Secretary

Comments