Zaninah KTP Gen Conf Pandal hlanna nei dawn

(Thupha chawina: Programme list post ah hian(Colour ah hian) Thenzawl Bial zaipawl te zai tur an ni a, comouter setting ah hmaih palh a ni a, hriatthiamna kan ngen e)

Zanin(24.2.2020) hian KTP General Conference Vawi 58-na Feb 27 - March 1 chhunga Serchhip Leisekawt Field a neih tura Pandal sak chu hlanna hun neih a ni dawn. 

Zanina hlan tur Pandal hi Synod Structure thar a ni a, Serchhip hi a hmang hmasa ber tur a ni. Pandal hi a dung ft 282 niin a vang ft 181 a ni a(a extent na telin), a hma lamah ft 60(shade net) zar belh a ni bawk.
Stage hi ft 30x73(a zawl chin), a ni a Ft 15x73(a step chin) niin stage pumpui zai zawng hi ft 45x110 a ni.

Pandal hlanna inkhawm hi Organising Chairman Upa Vanlalchhunga'n a kaihruai ang a, Rev C Lalrintluanga, Chhimchhak Presbytery Moderator in hlanna a nei ang a, Upa Lalduhoma, Patron in Souvenir a release ang. Zaninah hian Organising chuan Serchhipa Kohhran pawl dang te pawh Pandal hlanna a tel tur hian an sawm a, item te pawh an neitir dawn bawk.

Zanin Pandal hlanna inkhawm hi Serchhipa Cable Network hrang hrang - TT Vision, SCN leh Lalro Digital leh LIVE in an pechhuak dawn bawk.

Comments