KTP Gen Conf 2020 Organising comt te thukhawm

* Sum hman bang Rs 5,60,703/- awm.
* Gen Conf dawng leh tur Kolasib tanpuina Rs 1,00,000/-
Feb 27 - March 1,2020 chhunga Serchhip Leisekawt Field-a KTP General Conference neih zawh tak atana Organising Committee te chuan Covid-19 Lockdown avanga hun rei tak Committee an neih theihloh hnuah vawiin(11.7 2020) khan KTP Gen Conf kan hman zawh tak thlirletna Organising Committee tawp ber chu Serchhip Kawnpui Kohhran Hall-ah an nei.

Finance report atanga a lan danin KTP General Conference neih zawh takah khan Budget a tira ruahman chu Rs nuai 70, a ni a a hnuah Rs nuai 60 a siam that leh a ni a. General Conference dawngtu tanpuina hi Kohhran, Bial KTP, Branch KTP, mimal leh pawl hrang hrang atangin  Rs 5,28,750/- an hmu a. KTP Gen Conf puala Organising Comt ina an sum hmuh zawng zawng belhkhawm hi Rs 66,43,310/- a ni a, hmanral zawng zawng hi Rs 60,82,607/- a ni. Sum hmanbang hi Rs 5,60,703/- a awm a ni. 

Vawiina Organising Committee hian KTP General Conference sum bang hman dan tur an ruahman nghal a. KTP General Conference vawi 59 na thlengtu tur Kolasib chu Rs 1,00,000/-(Cheng nuai khat) a tanpui nise an ti a, a bang la awm chu a inang tlangin Serchhip khawchhunga Pastor Bial 3 ah insem nise an ti.

KTP Gen Conference Organising Comt ah hian member 47 an awm a, KTP Gen Conf pual hian Sub-Comt 9 siam a ni bawk. Vawiina Committee hian KTP Gen Conf 2020 Serchhip Organising Comt chu a thiat nghal bawk.

Comments